Kuboshwe abasolwa abayisithupha mayelana necala lokubulala u-AKA
Kuboshwe abasolwa abayisithupha mayelana necala lokubulala umculi waseNingizimu Afrika uKiernan Forbes obedume ngelika-AKA nomngani wakhe uTebello Tibz Motsoane abadutshulwa babulawa eThekwini ngoFebhuwari nyakenye.
UKhomishana wamaPhoyisa KwaZulu-Natal uLt General Nhlanhla Mkhwanazi uthe “Laba abayisithupha badlale indima ehlukene ekubulaweni kwabantu”
“Sinomdidiyeli, uboshiwe, abadubuli ababili omunye ubengaphakathi ebuka uMnu Forbes endaweni yokudlela.”
“Umqaphi ulandele uMnu Forbes yonke indlela esuka esikhumulweni sezindiza ngesikhathi efika.
Umsolwa wesibili ukhiphe izibhamu nezimoto,” kusho uMkhwanazi.
Isithangami nabezindaba besisekomkhulu lamaPhoyisa KwaZulu-Natal kusihlwa.
Abasolwa bazovela enkantolo ngoLwesine.
