UJabulani Khumalo uzomela iqembu le-MK ePhalamende yize exoshiwe
Umholi weqembu loMkhonto WeSizwe (MK) owaxoshwa uJabulani Khumalo usekuqinisekisile ukuthi uzohambela umhlangano wokuqala wePhalamende ozomela iqembu le-MK.
Yize exoshiwe eqenjini likaMengameli Jacob Zuma, uKhumalo uvela ohlwini lwamalungu e-MK azobe elimele ePhalamende likazwelonke.
UKhumalo usenxuse wonke amanye amalungu e-MK angu-57 ukuthi avele uma sekuqala umhlangano wokubusa kwePhalamende okwesikhombisa.
UKhumalo ubeseNkantolo yoKhetho ngesonto eledlule ukuveza ukuthi ukuxoshwa kwakhe eqenjini le-MK kwakungekho emthethweni nokuthi abuyiselwe esikhundleni sakhe njengomholi wenhlangano ngokushesha.
UZuma uxoshe uKhumalo nabanye abaholi beqembu le-MK emasontweni ambalwa ngaphambi kokhetho lukazwelonke nolwezifundazwe.
Isinqumo sigodliwe kulolu daba okwamanje.
