Umelaphi wendabuko udutshulwe wabulawa ezihambela emgwaqeni

Udutshulwe washona umelaphi wendabuko ehamba emgwaqeni owubhuqu eduze kwalapho ehlala khona eNtapuka KwaZulu-Natal ngoLwesine ntambama.

Abahlali bakule ndawo bathinte iReaction Unit South Africa (RUSA) ukuze bathole usizo ngezithuba zabo-18:24 ntambama. Abe-Reaction Unit bathunyelwe ngokushesha kwathi uma befika bathola isixuku esikhulu sibuthene endaweni yesigameko.

Isidumbu sikamufi besisendaweni eminyene eduze komgwaqo. Ubenamanxeba amaningi okudutshulwa ekhanda. Kutholwe amagobolondo e-9mm asetshenziswe angu-11 emgwaqeni.

Ngokusho kofakazi, ababili abebehamba ngemoto yohlobo lwe-VW Polo emhlophe bamile bavulela ngenhlamvu kumufi. Owesilisa owayelimele kakhulu ubalekele ehlathini ezama ukucasha. Abahlaseli bakhe babe sebesuka ngesivinini bebheke lapho engaziwa khona. Umufi ubehlala endaweni ecishe ibe ngamamitha angu-200 ukusuka lapho kudutshulwe khona.

Imbangela yalokhu kubulala ibingakaziwa.