UMokwena unikezwe izintambo zokuqeqesha kuSundowns
Ngemuva kokukhishwa kwayo kuMTN8, iMamelodi Sundowns manje isithuse abalandeli bebhola kuleli ntambama.
AmaBrazilians ashintshe ukwakheka kweqembu labo lobuchwepheshe kanye nezindima zabo.
Isikhathi sabaqeqeshi sibukeka singasekho njengoba uRulani Mokwena ethweswe umthwalo wemfanelo kuphela wokuba ngumqeqeshi.
Owayengumqeqeshi uManqoba Mngqithi wehliswe esikhundleni sokuqeqesha iqembu phambilini elaliphethwe nguSteve Komphela.
Khonamanjalo, uKomphela ukhushulelwe eqenjini elibizwa ngomqeqeshi weqembu lokuqala.
Esitatimendeni, iqembu lithe lezi zinguquko zidalwe wukungenzi kahle nokunqoba ngendlela egculisayo ezikhathini zamuva nje.
Nakuba aMasandawana ehlulwe ngo 3-0l yi-Orlando Pirates emqhudelwaneni wezinkomishi ngoMgqibelo, umehluko wamagoli uwenza aqhwakele esicongweni seligi.
Umdlalo wokuqala kaMokwena ephethe owokuvakashela KwaZulu-Natal Midlands lapho izobhekana khona neMaritzburg United ngoLwesibili ebusuku
