Abesilisa abahlanu batholwe emotweni eyiveni beshisiwe, bengamathambo
Amaphoyisa aphenya ngokubulawa kwabesilisa abahlanu okutholwe amathambo abo ngemuva kweveni iCorsa emgwaqeni u-R365 eduzane nasePeddie e-Eastern Cape ngoMgqibelo ebusuku.
Okhulumela amaphoyisa uColonel Priscilla Naidu uthe izidumbu zitholakale ngemuva kweveni iCorsa emgwaqeni u-R365.
Uthe ngezithuba zabo-20:45 kusihlwa ngoMgqibelo, amaphoyisa abikelwe ngemoto evuthayo emgwaqeni.
UNaidu uthe ngesikhathi befika abezicishamlilo bafice kungekho bagibeli ngaphambili emotweni.
Uthi izidumbu zitholwe ngemuva kokucinywa komlilo.
UNaidu uthe kuvulwe idokodo lophenyo njengoba kusalindwe umphumela wombiko wokuhlolwa kwesidumbu.
UColonel Naidu ucela imiphakathi yase-East London nasePeddie ukuthi ithinte amaphoyisa uma kukhona obaziyo abadukile ukuze basize ekuhlonzeni abashisiwe bashona.
