Abesilisa abane badlwengule intombazane eneminyaka engu-15 isendleleni eya ekhaya
Abesilisa abane badlwengule intombazane eneminyaka engu-15 ngesikhathi isendleleni eya ekhaya.
Amaphoyisa aseLevubu aqale uphenyo ngesigameko esishaqisayo esithinta izinsolo zokudlwengulwa kwentombazane eneminyaka engu-15 ubudala. Lesi sigameko senzeke ngoMgqibelo, Januwari 20, 2024, endaweni yaseTshakhuma eduze kwaseTshiemuemu Secondary School.
Ngokwemibiko yamaphoyisa, intombazane isuke ekhaya kubo eTshakhuma Masire iyothengela unina umuthi eTshakhuma Market Pharmacy.
Nokho, ngemva kwamahora ambalwa, unina wakhathazeka lapho indodakazi yakhe ingaluphenduli ucingo lwayo. Kungaleso sikhathi lapho umama wathola ucingo luvela kumfundisi wendawo, emazisa ukuthi uthole indodakazi yakhe izihambela yodwa ikhala emgwaqeni.
Uphenyo lokuqala luveza ukuthi isisulu sawuthenga umuthi wabe esegibela ikhumbi ebuyela ekhaya.
Ngeshwa wazithola esehamba nabesilisa aban, wathatha enye indlela wagcina emile ngasesikoleni iTshiemuemu Secondary. Abasolwa babe sebethatha isisulu bamusa ehlathini eliseduze, lapho sanukubezwa khona ngomunye wabo. Ngemuva kwesigameko, abasolwa badedele isisulu base bebaleka endaweni yesigameko.
UKhomishana wamaPhoyisa osabambile eLimpopo, uMajor General Jan Scheepers, usigxeke kakhulu lesi senzo esibi futhi useyalele ithimba labaphenyi ukuthi lenze konke okusemandleni alo ukuthola futhi kubanjwe abasolwa. Okwamanje kusathungathwa.
Ongaba nolwazi olungasiza ophenyweni uyanxuswa ukuba athinte umphenyi wecala, uColonel Buys, ku-082 469 0985 noma athinte iCrime Stop ku-08600 10111.
Kungenjalo, abantu bangafinyelela esiteshini samaphoyisa esiseduze noma basebenzise i-MySAPS App. Uphenyo lwamaphoyisa lusaqhubeka, futhi kwenziwa konke okusemandleni ukuthi abenzi bobubi babhekane nengalo yomthetho.
