Iqembu elisanda kusungulwa iMK lizohlangana namaqembu amathathu ezepolitiki
Iqembu elisha lezepolitiki, uMkhonto weSizwe – MK eliholwa ngowayenguMengameli wezwe, uMnu Jacob Zuma, lenze isivumelwano neqembu elisanda kusungulwa i-Act SA eliholwa ngu-Ace Magashule obenguNobhala we-ANC owaxoshwa.
Leli qembu lithe liyavumelana nakho konke okushiwo yi-MK, yingakho lingasiboni isidingo sokuthi libe ngamaqembu ahlukene.
Amanye amaqembu azojoyina iMK yiqembu eliholwa ngu-Andile Mngxithama, Black First Land First. UMngxithama ubevele eseka uMnuz Jacob Zuma izikhathi eziningi.
Elinye iqembu elizimisele ngokungena ngaphansi kweMK yiPAC eyasungulwa nguMangaliso Robert Sobukwe, okumanje ephethwe nguMzwanele Nyhontso. Leli qembu lithi lizoya eNkandla liyophuza itiye ukuze lixoxe kabanzi noMsholozi.
