UMalema uthi i-ANC ngeke isinqobe isifundazwe saKwaZulu-Natal okhethweni oluzayo
UMengameli we-EFF uJulius Malema uthi ucwaningo luveza ukuthi i-ANC ngeke iwine isifundazwe saKwaZulu-Natal okhethweni lwangonyaka ozayo.
UMalema ukhulume kanje ngesikhathi ehlangene namalungu e-EFF eMgungundlovu, KwaZulu-Natal namuhla.
UMalema uthi i-EFF iqhudelana namaqembu amabili kuphela esifundazweni saKwaZulu-Natal okuyi-ANC ne-IFP, amanye awekho KwaZulu-Natal.
UMalema ube esegxeka ukuqashwa konogada abaningi abaqapha ubuholi. Uthi iqembu le-IFP linonogada abaningi abaqapha abaholi esikhundleni sokusebenzisa leyo mali ukuthuthukisa umphakathi.
UMalema uthe ngonyaka ozayo zingu-10 kuFebhuwari, i-EFF izokwethula iManifesto yayo eMoses Mabhida Stadium, eThekwini.
Ube esekhuthaza abantu ukuthi babhalisele ukuvotela i-EFF nge-inthanethi namuhla ngokusebenzisa isixhumanisi esilandelayo: registertovote.elections.org.za
