Kuthungathwa abesilisa ababili ngokugebenga isitolo sakwa-KFC oThongathi
Abasolwa ababili abebehlomile bathungathwa ngecala lokugebenga elenzeke kwa-KFC kuGopalall Hurbans Road enkabeni yedolobha oThongathi ngoMgqibelo ntambama.
Amalungu eReaction Unit South Africa (RUSA) afike endaweni yesigameko ngezithuba zabo-20:51 ebusuku ahlangana nabasebenzi.
Abasebenzi bachaze ukuthi abesilisa ababili bangene esitolo sakwa-KFC babaphuca isamba semali esingadalulwanga ngaphambi kokuba babaleke ngezinyawo.
Abekho abantu abalimele ababikiwe kulesigameko.
AbakwaReaction Unit South Africa benze uphenyo olunzulu befuna oshayasibhamu kodwa namanje basagcwele amathafa.
