Amaphoyisa athungatha abasolwa abadubule babulala abantu abahlanu eMlazi
Amaphoyisa aKwaZulu-Natal athungatha abasolwa abadubule babulala abahlanu eMlazi, KwaZulu-Natal.
Amaphoyisa aphenya izimo zokubulala.
Amaphoyisa aKwaZulu-Natal athungatha abasolwa abadubule babulala abantu abahlanu eMlazi, eningizimu yeTheku ngeSonto ebusuku.
Amaphoyisa aphendule izingcingo zase mijondolo kule ndawo okwenzeke kuyo lesigameko kwathi uma efika athola izidumbu zabantu abahlanu ezindlini ezimbili ezahlukene.
Kule nyanga edlule kube nezigameko zokudubula ezibulala abantu abaningi enyakatho yeTheku, okuhlanganisa nezigameko zokudubulana kwabantu abaningi.
Okhulumela amaphoyisa uRobert Netshiunda uthe abathathu kwabashonile ngabesifazane.
“Ngesikhathi amaphoyisa efika endlini yokuqala, izidumbu zowesilisa oneminyaka engu-32 nowesifazane, okumanje okungakahlonzwa nokukholakala ukuthi uneminyaka eko-30 ubudala, zitholwe zinamanxeba amaningi okudutshulwa kanti kuthiwa bashonile. Emzini wesibili, amaphoyisa athole izidumbu ezimbili zabesifazane abaneminyaka engu-30 no-38 ubudala, kanye nesidumbu sendoda eneminyaka engu-24 ubudala.”
Uthe bonke abashonile bathole amanxeba amaningi okudutshulwa.
