UBheki Cele uchithe amalitha angu-30 000 otshwala obushaqiwe
UNgqongqoshe wamaPhoyisa,uMnuz Bheki Cele,usethole ukugxekwa kanzima ngemuva kokuthi ekhethe ukuchitha amalitha otshwala obungaphezu kuka-30 000.
Lokhu kulandela ezinye izigameko ezimbili zokudutshulwa kwabantu abaningi ngempelasonto. Esikhundleni sokubhekana nezigameko zakamuva zokudubula nokubeka phambili ubugebengu obudlangile ezweni, uCele ukhethe ukubhekana nomsebenzi onzima wotshwala obungekho emthethweni.
UNgqongqoshe obeseCape Town ngoMsombuluko,zingu-18 kuJulayi, ujoyinwe amalungu amaningana oPhiko Lwezemisebenzi Yamaphoyisa aseNingizimu Afrika.
UCele ubebukeka ejabulela ukulahla lobo tshwala, ubelokhu ebambe ongezansi. Uveze ukuthi utshwala buthathwe abomthetho ngezizathu ezahlukene.
Izikhalazo zokuthi akahoxiswe uMnuz Bheki Cele njengo Ngqongqoshe wamaPhoyisa zenyukile kulezi zinyanga ezimbalwa ezedlule, Abahlali baseNingizimu Afrika bathi uhlulekile akehle esikhundleni.
Izicelo eziku-inthanethi zokuthi uCele ehle esikhundleni sezifinyelele kubantu abangaphezu kuka-100 000.
