Izimpondo zikabhejane zishaqwe esikhumulweni sezindiza i-OR Tambo
AbakwaSARS namaphoyisa bawuchithile umzamo wokushushumbisa izimpondo zobhejane esikhumulweni sezindiza i-OR Tambo International Airport.
Lezi zimpondo, ezinesisindo esingamakhilogremu angu-25, zishaqwe emthwalweni womuntu osendleleni eya e-Abu-Dhabi.
Iziphathimandla zilunywe indlebe ngomthwalo zathumela amaphoyisa endaweni yesigameko.
Umthwalo uskenwe kabusha waseshwa okuholela ekutholakaleni.
Umsolwa uboshiwe kanti ugcinwe esiteshini samaphoyisa esikhumulweni sezindiza i-International Police Station.
Isikhumulo sezindiza sibone ukwanda kwemizamo yokushushumbisa uphondo lukabhejane eminyakeni yamuva
