Igosa lezendlela lesixeko saseKapa libanjwe ngezityholo zorhwaphilizo
![](https://www.isambanenews.co.za/isixhosa/wp-content/uploads/sites/15/2024/01/images-2024-01-18T153855.288.jpeg)
Igosa lezendlela leSixeko saseKapa elineminyaka engama-47 ubudala libanjiwe ngezityholo zorhwaphilizo emva kokutyholwa ngokubhunyula imali kumntu elalimbambe eqhuba ephantsi kweempembelelo zotywala.
Isithethi sooKhetshe uSiyabulela Vukubi uthi esi sityholo solwaphulo-mthetho senzeke kweyoMsintsi kunyaka ophelileyo. Igosa lezendlela, uRenay Ruiters, uvelile kwiNkundla kaMantyi eKapa waze wayinikwa ibheyile.
“URuiters uvelile kwiNkundla kaMantyi yaseKapa kwaye unikwe ibheyile ye-R1 000 namhlanje ngomhla we-18 kuJanuwari 2024. Ityala lihlehliselwe umhla we-05 kuTshazimpuzi ka-2024 ukuze kuqhutyekwe nophando. INtloko yeeHawks kwiPhondo leNtshona Koloni, uMajor General Makgato, ukuthakazelisile ukubanjwa kwabo njengoko amagosa ogcino-mthetho egunyaziswe ukuba athobele kwaye anyanzelise umthetho kwaye ngethemba lokuba aza kuthumela umyalezo oqatha nakwabanye abaphuli bomthetho.”
Umthombo: SABC News