AmaBhokobhoko azoletha iNdebe yoMhlaba eNingizimu Afrika ngoLwesibili
AmaBhokobhoko aziwa kakhulu ngokuthi, Ompetha bomhlaba,azobuya neNdebe yoMhlaba ngoLwesibili.
I-SA Rugby iqinisekise ukuthi amaqhawe esizwe azobuya eNingizimu Afrika esuka eFrance ngoLwesibili, zingu-31 kuMfumfu esikhumulweni sezindiza i-OR Tambo International.
Ingqungquthela yabezindaba izohlelwa e-OR Tambo uma kufika amaBoks.
Umqeqeshi wamaBhokobhoko u-Jacques Nienaber ozoshiya iNingizimu Afrika eya e-Ireland maduze nje uzojoyina ukapteni u-Siya Kolisi namanye amalungu eqembu akhethiwe engqungqutheleni yabezindaba.
Esitatimendeni esikhishwe yiSA Rugby, amaBoks kulindeleke ukuthi abuye eNingizimu Afrika ngo-12h00 ngoLwesibili.
AmaBhokobhoko aqhubekile nokuhlula i-All Blacks ngephuzu elilodwa nje vo emuka nesicoco, kwaba yizwe lokuqala emhlabeni ukunqoba izindebe zoMhlaba ezingu-4.
UKolisi ohole iqembu linqoba iNdebe yoMhlaba kulandelana uthi akakwazi ukuchaza ngamagama ukuthi lokhu kusho ukuthini kuye.
Ekhuluma engxoxweni yangemuva komdlalo, uKolisi uncome i-All Blacks ngokuba yizimbangi ezifanele.
