Umsakazi woKhozi FM u-Irvin Sihlophe akasekho emhlabeni
Ukhozi FM luqinisekise ngokusemthethweni ukudlula emhlabeni kuka-Irvin Sihlophe obengomunye wabasakazi balo. USihlophe odabuka eHarding, udlule emhlabeni ngemuva kokungeniswa esibhedlela ekuqaleni kwaleli sonto.
U-Irvin Sihlophe, ongumsakazi aphinde adidiyele izinhlelo zezemidlalo emsakazweni Ukhozi FM, uhlaselwe ukugula isikhashana wangeniswa esibhedlela ngoLwesihlanu, zingu-3 kuLwezi 2023.
Umphathisiteshi woKhozi FM uSbongi Ngcobo ukuqinisekisile ukuthi udlule emhlabeni izolo ebusuku ngenxa yesifo sohlangothi okwesibili wangabe esaphumelela.
Umphathisiteshi woKhozi FM uziqinisekisile izindaba zokudlula emhlabeni kwakhe ohlelweni lwasekuseni Okhozini FM, olushayelwa nguDJ Sgqemeza noMroza.
Ungeniswe esibhedlela i-Eddington, eThekwini.
