Ubaba kaSiyacela,uDlamuka akasekho emhlabeni
Akasekho uMfu Mthandeni Dlamuka owazakhela udumo ohlelweni Isencane Lengane ekhonjiswa kuMoja Love.
UDlamuka onguyise kaSiyacela, wodumo kwi-Isencane Lengane, udlule emhlabeni ngoMgqibelo.
Indodana kaDlamuka, uNqobani, ithe uyise ubelokhu ephuma engena esibhedlela ngenxa yokuxinwa ukugula.
Uthe umndeni uhlukumezekile ngezindaba zokushona kwakhe yize esegule isikhathi eside.
Abantu ezinkundleni zokuxhumana selokhu bedlulise njalo amazwi okudabuka nawenduduzo ngokudlula emhlabeni kukaDlamuka
