Kushone abane esigamekweni sokudubula ethaveni yaseMgungundlovu
Kushone abane, kwalimala abayisishiyagalombili esigamekweni sokudubula ethaveni yaseMgungundlovu
Abanye abantu abane bashonile ngemuva kwesigameko sokudubula endaweni yokucima ukoma eMgungundlovu KwaZulu-Natal.
Abanye abayisishiyagalombili baphuthunyiswe esibhedlela.
Kusolwa ukuthi amadoda amabili abehlomile abehamba ngeVW Polo agasele ethaveni ngezithuba zabo-8.30 ebusuku ngoMgqibelo avulela ngenhlamvu ebhekise kubathengi.
Ababili bashonele endaweni yesigameko kwathi ababili bashonela esibhedlela.
Amaphoyisa aseqale uphenyo.
