Kulimale abayisishiyagalolunye engozini yetekisi eNanda
Kulimale abantu abayisishiyagalolunye ngemuva kokugingqika kwetekisi egcekeni eNanda,eKZN ekuseni ngeSonto.
Amalungu eReaction Unit South Africa (RUSA) afike endaweni yesigameko ngo-11:32 athola iToyota Hiace emhlophe ilele ngohlangothi.
Abagibeli abayisishiyagalombili kanye nomshayeli bathole imihuzuko emincane kule ngozi.
Ngokusho komshayeli,uthi ubehamba kuSpring Road ngesikhathi ekhipha amehlo emgwaqeni ebheka isigubhu samanzi ebesiseceleni kwabagibeli. Itekisi iphaphalazile yaphuma emgwaqeni yehla uthango ngaphambi kokuba igingqikele egcekeni lomuzi.
Abalimele balashelwe endaweni yesigameko ngaphambi kokuba baphuthunyiswe esibhedlela nge-ambulensi.
