Owayengumphathi weCrime Intelligence uRichard Mdluli ukhishwe ngoshwele
UMnuz Richard Mdluli, owayeyinhloko yeCrime Intelligence, unikezwe ushwele.
Ngo-2020, wathola isigwebo esadonsa iminyaka emihlanu ejele. UMdluli watholwa enecala ngo-1998 lokuthumba, ukushaya kanye nokusabisa u-Oupa Ramogibe.
Amacala abekwe uMdluli okubulala uRamogibe ngo-1999 ahoxiswa ngokuhamba kwesikhathi.
Unikezwe ibheyili ecaleni lakhe lenkohlakalo eliqhubekayo ngesikhathi eboshelwe ukuthumba nokushaya, ngaleyo ndlela evule umnyango ukuze aphume ngoshwele.
Okhulumela uMnyango wezokuHlunyeleliswa kweziMilo, uMnuz Singabakho Nxumalo, uthe isinqumo sithathwe yibhodi lezokuhlunyeleliswa kwezimilo kanye nebhodi likashwele ngemuva kokuthi libuyekeze imininingwane kaMdluli nezinye izinto ezilethwe ukuze kucutshungulwe ushwele.
“Isikhathi esincane sokuvalelwa kukaMdluli sasingoMeyi 28 2022, kodwa akazange acatshangelwe ukuthi akhishwe ngoshwele ngaleso sikhathi ngenxa yecala elalisaqulwa enkantolo.”
“Emuva kwalokho, wanikezwa ibheyili ka-R10 000 (wakhokhwa ngokugcwele ngoJuni 28), nokuholele ekutheni kuqhubeke uhlelo lwakhe lokucutshungulwa ngoshwele,” kusho uNxumalo.
