UNzimande uxwayisa abafundi abasebenzisa imali ye-NFSAS ukondla imindeni yabo ukuthi bayeke
UNgqongqoshe wezeMfundo ePhakeme uBlade Nzimande uthi uhulumeni uyazi ukuthi abafundi abaningi abafunda emakolishi nasemanyuvesi baphuma emakhaya ahola kancane kanti abanye babo basebenzisa imali abayithola kwiNational Student Financial Aid Scheme (NFSAS) ukusiza imindeni yabo.
UNzimande usekhiphe isexwayiso, wathi lokhu akuvumelekile ngoba lezi zimali kumele zisetshenziselwe inhloso yazo.
“Asikwazi ukuvumela kuxhashazwe imali ye-NFSAS. Abayihlukumezayo kumele babethelwe ngezipikili ngoba bantshontshela abantulayo. Ziningi kakhulu. Ngazi umuntu oyisikhulu esiphumelele kakhulu kuhulumeni kanti unkosikazi ungumatroni esibhedlela. Izingane zabo zithola i-NFSAS. Kanjani?”
UNzimande ubethula inkulumo yakhe ngoxhaso lwezimali ze-2022 Financial Aid ngoLwesihlanu ntambama eGCIS Tshedimosetso Media Room.
