UMjaheni Shelembe usekhathele ukuthukwa ezinkundleni zokuxhumana
UMjaheni ogama lakhe nguZakhele Shelembe waseSiyembeni, eMtubatuba KwaZulu-Natal, ungumculi kamaskandi owaziwa ngenkosi yomtalabho nowaduma ngengoma ayetusa kuyo uZahara.
UShelembe ungumculi kamaskandi ohlale ethukwa njalo ezinkundleni zokuxhumana, uma efaka okuthile kuFacebook uhlezi ethola izinhlamba ngapha nangapha.
Abantu abaningi bambiza ngebhimbi, abanye bathi bayaqala ukubona isigwili sikamaskandi esingakwazi nokucula.
Yize uMjaheni ehlala ethukwa kodwa lokho akumvimbi ukuthi aqhubekele phambili empilweni
Indlela abantu abamthuka ngayo kuFacebook useze wabhala umyalezo obheke kulabo abane nkinga naye, uthe : “Hlukanani nokungethuka wozani nginiqashe nivuse imizi yoyihlo, Angilona uhlanya mina futhi angifune dumo olungena mali, Futhi angifuni balandeli ngoba abafaki mali ku-bank account yami,Futhi angifune micimbi engakhokheli,Angifune balandeli abaningi cos ngeke bengiphe mali,Into ebalulekile kimi imali kunodumo oluhambisana nobuchaka”,esho.
