Usesimweni esibucayi owesifazane ogwazwe yisoka lakhe elimthole ejola eKZN

Owesifazane oneminyaka engu-34 ubudala usesimweni esibucayi ngemuva kokugwazwa isoka lakhe ephindelela emuva kokuba limthole emzini weshende lakhe e-Ezakheni,eHazelmere, KZN(ngeSonto).

Lo wesifazane ubeziphuzela utshwala nesithandwa sakhe emzini wakhe oyimijondolo ngesikhathi kufika isoka lakhe. Umlisa washaya isicabha wathi abavule ngaphambi kokuthi akhahlele isicabha. Ethukuthele egane unwabu wakhipha ummese omkhulu waqala ukugwaza lona wesifazane. Isithandwa sakhe sizame ukungenelela ngesikhathi umhlaseli wakhe ezama ukumgwaza.

Owesilisa ubalekile waqoqa umphakathi ukuthi ulekelele owesifazane. Ngesikhathi isixuku sibuyela endlini, safica umsolwa esagwaza lo wesifazane. Wabaleka lapho ebona isixuku sisondela.

I-Reaction Unit South Africa (RUSA) ithole ucingo lokuthola usizo lwezempilo cishe ngabo-23:42. Abasebenzi beReaction Officer kanye neMedics bathunyelwa ngokushesha futhi lapho befika bathola owesifazane elele endaweni ethambekele ngaphandle kwendlu yesithandwa sakhe. Ube namanxeba okugwazwa angaba ngu-20 esithweni sangasese, ebusweni, emzimbeni nasemilenzeni.

Uzinzile endaweni yesigameko ngaphambi kokuba aphuthunyiswe esibhedlela esesimweni esibucayi.