Intombi ibulale isoka layo,yashisa isidumbu sayosilahla eMadadeni
Usashaqekile umndeni wakwaLanga eNewcastle ngemuva kokuthi intombi ishise yabulala indodana yawo ngoba ingafuni ukwaliwa.
Ngokuthola kweSolezwe ngoMgqibelo,uNksz Nobuhle Nzuza (24) okusolakala ukuthi wabulala, washisa uMnuz Sphiwe Langa (40), wajikijela isidumbu sakhe emfuleni ngaseMeriadian eMadadeni esigcemeni sesine.
Intombazane kuthiwa iboshiwe yadedelwa, abakwaLanga abagculisekile ngakho.
Okhulumela amaphoyisa KwaZulu-Natal, uConstable Thenjiswa Ngcobo,uthe amaphoyisa aseMadadeni aphenya icala lokubulala ngemuva kokutholwa kwesidumbu sowesilisa sishisiwe saphonswa emfuleni.
Uthe kunomndeni ohlonze isidumbu ngesawo. Amaphoyisa asalinde imiphumela yolibofuzo.
