Abesifazane abathathu badutshulwe babulawa umsolwa ongaziwa eMlazi

Kudutshulwe kwashona abesifazane abathathu kwalimala izingane ezimbili ngesikhathi kudutshulwana esigcemeni sakwa-L eMlazi eningizimu yeTheku.

Kusolakala ukuthi odade bebesekhaya ngoLwesithathu ebusuku ngesikhathi umsolwa ongaziwa engena emagumbini amabili emijondolo wavulela ngenhlamvu.

Izingane ziphuthunyiswe esibhedlela.

Umama walaba besifazane abathathu, uJingeni Mkhize, uthi umndeni wonke ukhungathekile ngokwenzekile.

Uthi, “Awu zingane zami, akusindi ngisho noyedwa. Ngizizwa sengathi ngiyafa. Angikwazi nokukhuluma, ngididekile. Izingane zami aziphuzi, azibhemi, zithule ngisho noma ukhuluma nazo zihlale zihleka noma zimamatheka. Angazi ukuthi kwenzekeni. Sisashaqekile umndeni wonke usuzivalele endlini ngoba uyesaba ngoba uma kuqhuma izibhamu uyesaba kakhulu.”