Ihlandla lesihlanu leCoronavirus seliqale ngokusemthethweni eNingizimu Afrika
Ochwepheshe baveze ukuthi igagasi lesihlsnu le-coronavirus seliqale ngokusemthethweni eNingizimu Afrika. Lokhu kususela ekudlondlobaleni kwegciwane iCorona elaseNingizimu Afrika elibhekane nakho ngesonto eledlule.
Ngokusekelwe ezibikezelweni ezenziwe ngochwepheshe nososayensi, iNingizimu Afrika izobhekana nokwenyuka kwesibalo samacala azoqoshwa nsuku zonke kuze kube ihlandla lesi-5 liyaphela ngokusemthethweni.
Kulindeleke futhi ukuthi kunyuke isibalo sabantu abashonayo kanye nokulaliswa esibhedlela ngenxa yezinkinga ze-coronavirus.
Kodwa-ke kulindeleke ukuthi ihlandla leaihlanu le-coronavirus ezweni lingabi likhulu njenganoma yimaphi amanye amahlandla aqoshwa phambilini.
Lokhu kungenxa yamazinga aphezulu okugonywa njengoba abantu abaningi eNingizimu Afrika sebegonywe ngokugcwele, okuhlanganisa nokuthola umuthi wokugomela i-booster noma sebegonywe kancane.
Akukacaci okwamanje ukuthi iNingizimu Afrika izothathwa yini ngaphansi kwanoma yikuphi ukuvala i-lockdown noma uma kuzobekwa umthetho we-Lockdown ezweni. Lesi sinqumo sizothathwa kuphela uma uMnyango Wezempilo uphakamisa ukuthi lokhu kwenziwe.
Ososayensi baphinde badalula ukuthi ubukhali ihlandla lesi-5 bungancipha kakhulu uma abantu beqhubeka nokugqoka imaski yabo futhi uma begonywa ngokuphelele.
Kepha uhulumeni kanye noMnyango Wezempilo bakugqamisile ukuthi bathathe zonke izinyathelo ezidingekayo ukuze baqinisekise ukuthi bakulungele noma yikuphi ukwenyuka kwamacala e-coronavirus.
