I-ANC ihlangene ukudingida iziphakamiso zenqubomgomo emisha yeqembu
Isigungu esiphezulu esithatha izinqumo ku-ANC ngeSonto sidingida imibono yenqubomgomo ehlanganisa nesiphakamiso sokuthi abalimi bacelwe ukuthi banikele ngomhlaba kubalimi abamnyama abasafufusa.
Ngonyaka odlule, leli qembu lahluleka ukuphasisa ukudliwa komhlaba ngaphandle komthethosivivinywa wesinxephezelo ephalamende ngemuva kokuba lingakwazi ukukholisa i-EFF ukuba ivume ukuchitshiyelwa kwesigaba sama-25 somthethosisekelo ukuze kuvunyelwe ukudliwa komhlaba ngaphandle kwesinxephezelo.
Leli qembu liphakamisa ukuthi inhlangano ebhekele ukubuyiswa komhlaba kanye nokuthuthukiswa kwezolimo – uhlaka olusungulwe wumnyango wezindaba zomhlaba nezolimo – inikezwe amandla engeziwe.
Leli qembu kulindeleke ukuthi lidingide ngomunye umqulu wenqubomgomo ofuna izwe licabangele ukuzitholela elalo uwoyela ongahluziwe kanye negesi eliwufaka phesheya kwezilwandle ngenhloso yokuvikela abantu baseNingizimu Afrika ekwenyukeni kwentengo kaphethiloli.
Lokhu kuza njengoba umhlaba wonke ubhekene nenkinga yokwenyuka kwentengo kawoyela negesi ngenxa yokuhlasela kweRussia i-Ukraine kanye nezijeziso ezilethwa amazwe amaningi aseNtshonalanga.
Enye ingxoxo ngenqubomgomo, njengoba kubika iphephandaba iSunday Times, imayelana nokuhlelwa kabusha kwezinhlaka zikahulumeni.
Ithe iqembu lifuna amalungu alo adingide ukuthi yimaphi ama-SOE elifuna ukuwagcina, awahlanganise noma azimele.
Lokhu kuza ngemuva kokulwa nama-SOE afana nenkampani kahulumeni ekhiqiza izikhali i-Denel, i-SA Post Office, i-Prasa kanye ne-Transnet.
