Kutapwe impahla kwiloli lakwaShoprite eThekwini
Abahlali abangaphezu kuka-300 bavimbe base bezitapela impahla kwiloli lakwaShoprite kuDumisani Makhaye Drive, phakathi kweNewlands naKwaMashu ngoMsombuluko ntambama.
Lesi sigameko, esiqinisekiswe kwiThe Witness okhulumela amaphoyisa kaMasipala uSuperintendent Parboo Sewpersad,uthe senzeke ngemuva kwehora lokuqala emini.
USewpersad uthe bathole ucingo kanti amaphoyisa kamasipala aya endaweni yesigameko.
Uthe ngesikhathi befika amakhulu abantu bebetapela iloli base bekwazi ukuhlakaza isixuku.
Uthe bazamile ukusheshe baphendule endaweni yesigameko kodwa babuye bacindezelwe ngokwezinsiza.
Kusolwa ukuthi imiphakathi ikhala ngokuthi sekuphele isonto lonke ingenawo amanzi, futhi ilambile.
USewpersad uthe iqulu labantu labeka ugodo emgwaqeni laphoqa umshayeli ukuthi ame base beqala ukutapa.
“Kumele ngincome Amaphoyisa ngokuphendula ngokushesha avimbele ukuphanga. Lokhu kuhlelwe kahle yizinkumbi zabantu abebelinde egqumeni befuna iloli,” usho kanje.
