Isigaba-36 soMthetho wezikole zaseNingizimu Afrika sivumela izigungu ezilawulayo ukuthi zicele iminikelo kubazali
Isigaba (Section) 36 soMthetho wezikole (South African Schools Act) zaseNingizimu Afrika sivumela izigungu ezilawulayo (SGB’s) ukuthi zicele iminikelo kubazali
Umthetho uvulelekile ukuthi ungahunyushwa futhi ngezinye izikhathi abantu ababili bangase bafinyelele esiphethweni esihlukile. Ngokomthetho weSouth African Schools Act, isikole sikahulumeni esingakhokhisi asivunyelwe ukukhokhisa abazali noma iyiphi imali.
Kodwa isigaba sama-36 somthetho ofanayo we-SASA sithi isigungu esilawula isikole sikahulumeni kumele senze uxhaso ukuze kwengezwe imali etholwa uhulumeni.
Lesi sigaba 36 sidala ukudideka futhi kwesinye isikhathi siyahlukunyezwa. Izigungu Ezilawula Isikole zivame ukukhokhisa umzali.
Inkokhelo eyengeziwe ngokuvamile ibizwa ngokuthi umnikelo wokuzithandela. Ngeshwa izikole zivamise ukuphoqa abazali ukuthi bathobele. Izikole eziningi ezisezindaweni zasemakhaya zilindele ukuthi abafundi balethe isiqephu esisodwa noma ezimbili zamaphepha angenalutho e-Typek.
Uma umfundi ehluleka ukuletha i-Typek ezinye izikole ziyayigodla imibiko yazo yokuphela konyaka. Umthetho uvumela ukuthi iminikelo ilungiswe kubazali kodwa lokhu kufanele kwenziwe ngokuzithandela.
