UMengameli uCyril Ramaphosa ukhuthaza ukukhiqizwa nokuthengwa kwempahla yakuleli ukuze kuthuthukiswe umnotho waseNingizimu Afrika
UMengameli waseNingizimu Afrika uCyril Ramaphosa usenxuse izakhamizi ukuthi zeseke, zikhiqize futhi zithenge impahla yakuleli ezothuthukisa umnotho wezwe.
Lona bekungumlayezo wakhe owumongo ngesikhathi ethula inkulumo yakhe engqungqutheleni yeshumi yaminyaka yonke ye-Buy Local Summit and Exco ngoLwesibili eSandton, eGoli.
Le ngqungquthela ihlose ukwazisa, ukufundisa kanye nokuhlomisa osomabhizinisi ekuvuleni amathuba emisebenzi kanye nokwakha kabusha umnotho ngokukhiqiza kuleli.
