Ingane eneminyaka engu-6 ubudala ibulawe phambi kukadadewabo oneminyaka engu-10 ubudala

Kube ngolunye lwezinsuku ezibuhlungu kakhulu emndenini wakwaMasengeni ohlala eNanda kulandela ukushona kwendodakazi yawo eneminyaka eyisithupha.

UThiwe Masengeni, intombazane eneminyaka engu-6, ibulawe yalahlwa emfuleni ngemuva kokunyamalala kwayo nodadewabo omdala. Ngokusho kukaNksz Nombuso Masengeni ongunina walezi zingane zamantombazane ezimbili uthe lezingane zidlala egcekeni kungazelele muntu. Bazamile ukubafuna kodwa abazange babathole. Baze bazama ukubika ngodaba emaphoyiseni kodwa abatholanga usizo ngoba izingane sekuphele amahora angaphansi kuka-24 zilahlekile.

Ekuseni ngezithuba zabo-10:00 ekuseni, omunye womakhelwane wabika ukuthi enye intombazane isanda kungena endlini yakhe. “Wangena enqunu ekhala engaqedi”,kusho umakhelwane.

Ngesikhathi umndeni ubuza ingane eneminyaka engu-10 ukuthi ukuphi udadewabo omncane, ithe umalume onsundu wabayisa emfuleni wabaphoqa ukuthi bakhumule izingubo zabo.

Uqhube wathi udadewabo omncane uboshwe washona walahlwa emfuleni. Uhambise umndeni endaweni yesigameko lapho afice khona isidumbu sengane, 6, silahlwe emanzini. Wathi umama, izinyawo zakhe kuphela ababezibona, umzimba wonke ucwiliswe emanzini. Amaphoyisa avule icala lokubulala kodwa bekungakaboshwa muntu kodwa kukholakala ukuthi umuntu owenze lokhu ngumuntu ohlala endaweni ngoba indlela okwenzeka ngayo ikhombisa ukuthi kukhona owenze lokhu uyawazi umndeni futhi njengoba kanye nendawo.

Okwamanje akwaziwa ukuthi izingane zamantombazane zidlwenguliwe noma cha ngoba ingane eneminyaka engu-10 ivele ikhale uma ibuzwa ngalokhu kodwa isidumbu sengane eneminyaka engu-6 sizohlolwa ukuthi idlwenguliwe yini noma cha.