Umfundi uboshelwe ukugwaza wabulala esikoleni eKZN

 

Kuboshwe umfundi oneminyaka engu-15 ubudala,wabekwa icala kulandela ukubulawa komfundi esikoleni esise-KZN North Coast ngoLwesine.

Ngokusho kokhulumela amaphoyisa eKZN, uLieutenant Colonel Nqobile Gwala,uthi umfundi uboshwe ngemuva kwesigameko.Uthe kulindeleke ukuthi avele eNkantolo yeMantshi yaseVerulam maduze.

UGwala uthe ngezikhathi zasemini ngoLwesine, iqulu labafundi belilwa ngaphakathi esikoleni eTrenance Park, eVerulam.

“Ngesikhathi kuliwa owesilisa oneminyaka engu-17 ubudala ugwazwe kwesokunxele esifubeni. Uphuthunyiswe emtholampilo wendawo, kwatholakala ukuthi useshonile ngesikhathi efika. Icala lokubulala liphenywa ngamaphoyisa eVerulam SAPS.”,kubika uGwala.

#IsambaneNews
#SibuyaNazoZishisa

WP Radio
WP Radio
OFFLINE LIVE